Vawiin khan DC Conference Hall, Mamit-ah District Level Chapchar Kut Celebration chu Pu Vanlalngaihsaka District Bawrhsap hovin thutkhawm a ni.

Vawiin thutkhawmah hian Mizo pipute Kutpui, Chapchar Kut March 1 a hman tur chu GSA Playground Mamit-ah ropui taka hman nise tih a ni a. Kut hmanna tura chanvo leh mawhphurhna neih dan tur hrang hrangte leh programme tlangpuite sawiho a ni.

Chapchar Kut pual hian Mizoram Sawrkar duhdan angin Ni 25- 28 February 2019 chhungin Sawrkar pisa-a kai zawng zawngte Mizo thuam chi hrang hrang hmanga inbel nise tih a ni a, hemi hunlai hian mipui mimir te pawh Mizo thuam chi hrang hrang ziarang lang thei ber tura inthuam tura ngen an ni bawk.

Vawiin Meeting hian Chapchar Kut Celebration Committee 2019, Sub Hqrs YMA President Chairman-na hnuaiah din a ni a. Anni hi Chapchar Kut Mamit khawpuia hmanna tura tul hrang hrang bawhzui ngaite lo ti tura tih an ni bawk. Mamit Khawpuia Chapchar Kut hmanna turah hian Mamit District chhunga YMA Group hrang hrangte Kut hlawhtlinna turin sawm nise tih a ni bawk.

Meeting- ah hian District Level Chapchar Kut Celebration Committee member-te an tel a ni.