Vawiin khan PHED, Mamit leh Central Ground Water Board tangkawpin Mamit Chhimveng YMA Hall-ah leihnuai tui chungchang inzirtirna leh sawihona hun buatsaih a ni. He hun hi GL Meena, Regional Director, Central Ground Water Board. North Eastern Region Gawahati  leh Er C Lallunghnema Chief Engineer PHED ten an telpui a ni.

He hunah hian Er C. Lallunghnema chuan leihnuai tui leh a kaihnawih chungchanga PHE Department te hmalakna te sawiin khawvel hmasawnna leh changkannain kan sik leh sa a tih danglam zel avangin leihnuai tui hi a pawimawh zel dawn avangin kan hriat chiana kan humhalh a pawimawh hle a ni a ti.

Vawiin leihnuai tui chungchang zir hona ah hian Central Ground Water Board-a Scientist te leh PHE Department atangin Pu F. Lalbiakmawia Assistant  Hydrogeologist te'n zirtirna an pe a, Pu R. Lalruatkima, Hydrogeologist chuan thusawina a nei bawk.

He hunah hian Mamit khawpui chhunga tlawmngai pawl hrang hrang aiawhte leh zirlai sawmbikte an tel a ni.