Children Sanitation Club khuhhawnna Kanhmun khua-a neih hi Pu Darthangvunga SDO, PHED Zawlnuam chuan kaihruaiin Pi Laltharzeli, Ambassador Swachh Bharat Mission(Gramin) Mamit District chuan Mamit District-in faina kawnga hma a sawn zel theih nan Zawlnuam RD Block huam chhung tana CSC khaw 30-ah din tum a ni chu a lawmawm hle a ni a ti a. Hmun kilkhawr ber thlenga faina kawnga hma kan sawn theih nana PHED Mamit te'n hma an lakna chu fakawm a tih thu sawiin rah duhawm tak a chhuah ngei a beisei thu a sawi. Faina kawnga hmasawn tur hian Naupang atanga zirtirna kan neih hi a pawimawh hle a, kan ram, kan khawtlang tana tih theih leh chanvo kan nei ve a ni tih inhriatna nena fai duhna an thinlung a tuh chu a pawimawh hle a ni a ti.
Children Sanitation Club khuhhawnna Kanhmun khua-a neihah hian Pi Mathari chuan Kanhmun chu State Boundary a awm an nih avang leh hnam hrang hrang awm khawmna a nih avangin Mizoram hmel lanna pawimawh tak an ni a, faina kawnga nasa zawka tan kan lak a pawimawh hle a ni tiin, khawtlang anga theihtawpa CSC hmalakna thlawp tlat turin kalkhawmte a sawm a ni.
He hunah hian Pu Darthangvunga SDO PHED chuan thingtlang khaw kilkhawr zawkah VC te nen Watsan Committee te din niin hma an lak hona chuan khawfai tak tak hmuhtur a awm phah a ni a ti, Zawlnuam RD Block huam chhunga CSC din a ni chu lawmawm a tih thu sawiin PHE Ambassador te chungah lawmthu a sawi a, faina kawngah hma an sawn phah ngei a beisei thu a sawi bawk a ni.
Children Sanitation Club hi Zawlnuam leh a chhehvel khaw 8 ah din nghal a ni a, khaw 30 ah din tum a ni bawk. Club din tharte tan hian bawlhlawh thianfaia hnatlang neihpui nghal an ni a, He hunah hian khawtlang hruaitu leh tlawmngai pawl hrang hrang bakah Zirna ina thawk tute an tel a ni.
Zawlnuam RD Block huam chhunga CSC din tharna khawtinte hian an veng khaw faina kawnga hmalakna hi an lo lawm hle a, Naupang kalkhawmte hian faina hnatlang bakah Faina kawnga hmala tura thuthiamna neih nghal thin a ni bawk.
Attachment
- Loading attachment...
