Vawiin chawhma dar 10 : 00 Am khan District Level Co-ordination Committee chu D.C’s Conference Room, Siaha-ah Pu N.Chakhai, Additional Deputy Commissioner hovin neih a ni.

He Meeting a Chairman Pu N.Chakhai, Additional Deputy Commissioner, Siaha District chuan meeting neih chhan te sawifiah in Department hrang hrang te kan hnathawh chungchangah harsatna leh buaina kan neihte huamzau taka sawi a nih tur thu a sawi a, Siaha District tana tha tur leh hmasawnna tura rawtna neite tan sawi chhuak theuh turin Member te chu a sawm a, he Meeting ah hian Internet chhe lutuk vanga Department hrang hrang in hnathawh harsa an tih thu te sawi lan niin D.C. lam atanga tun aia Internet tha zawk kan neih theihna tur a hma laksak tura ngen a ni. District Playground chhe lutuk leh kum tina diak lutuk thin chungchang mai bakah Siaha District tan a Pipe Band neih theih dan tur chungchangte pawh huamzau taka sawiho a ni, Pipe Band nei thei tur hian theihtawp chhuah a hmalak nise tih rel a ni bawk. Khawpui chhung kawngpui dung hnawk lutuk thin chinfelna tur chungchang te pawh ngaihtuah niin sawiho a ni a, District huamchhung hmun thenkhat Kawngpui dung felhlel chungchangte pawh a sutkian dan tur sawiho a ni a, Siaha District hmasawnna tur leh chakzawk a hma a sawn theihna tur kawng hrang hrang te pawh huamzau taka sawiho a ni.

He Meeting-ah hian Siaha District a Sawrkar Department hrang hrang hotute an tel kim hle a, an harsatna tawh hrang hrang te sawi langin District Bawrhsap chu an harsatna te sutkian pui turin an ngen a ni.