Vawiin chawhma dar 10:30 khan Pu.V.Sapchhunga, IAS, DC leh Chairman, District Level Committee of Teacher’s Day ni bawk kaihhruaina in 51st Teachers Day 2012 lawmdan tur relin a office chamber ah an thukhawm.

Pu V.Sapchhunga, IAS, DC leh Chairman nibawk chuan nikum lama Teachera’s Day hman tawh dan chu tha thawkhat a tih thu sawiin, kumin ah pawh tha tak leh tluang taka hman a nih theih ngei a beisei thu a sawi a, zirtirtute hi an pawimawh a kan zahin kan chawimawi tur a ni a ti.

Pu S.T Zaduna, DEO Lunglei District Lunglei chuan nikum ah Lunglei District chu NFTW Target a tan Rs. 3.2 lakhs. tuk a ni a, mahse hei hi tlin a nih loh avangin kumin ah Rs. 3.00 lakhs ah target tihhniam a nih thu a sawi. Meeting chuan Zirtirtu harsatna tawk, tanpui ngaite tanpui nan (NFTW) Teacher’s Day apiangin sum tuakna atan Ball pen/Key Chain te zirlaite zawrh tir thin an ni a, mipui te chu tlawmngai a lo leisak thin turin an ngen nghal bawk a ni. Teacher’s Day denchhen a School thenkhat in Donation an lo khawn thin tih hriat ani a hei hi phal loh ani a, ti tawhlo turin meeting chuan a ngen nghal bawk a ni.

Kumin Teacher’s Day hman dan tur ah mahni veng/khua theuh a Zirtirtu, YMA leh VC te inrawn a hman nise tih a ni a, Veng/ Khua a School sangber, High School emaw Middle emaw a Headmaster in a kaihruai ang tih a ni