3288/2022-2023
Lunglei the 18th, January' 2023: Vawiin khan Pu Kulothungan A, IAS Deputy Chairman District Level Committee on Fire Prevention (DLCFP) for Lunglei District leh Deputy Commissioner nibawk kaihhruaiin DC's Conference Hall, Lunglei ah kangmei ven hapta Fire Prevention Week ( 6th-10th February, 2023) hman dan tur ngaituah in District Level Committee on Fire Prevention for Lunglei District meeting neih a ni. Meeting ah hian a kaihhnawih Department engemawzat leh NGOs te an tel.

Meeting ah hian kumin a Fire Prevention Week hawnna February ni 6, 2023 chawhma dar 10 AM ah Convention Centre, Lunglei ah hman nise, khuallian atan Lunglei District chhunga MLA remchang apiang sawm nise, State Level Sub Committee on Fire Prevention in lo, leipui leh huan hal hun atan ruat March ni 15,2023 chu Lunglei District ah pawh hman ve nise, hemi chungchang ah hian District Administration leh District Local Administration Officer ten order chhuah se tih a ni. Kangmei vengtha khua 3 te hnenah Village Level Fire Prevention Award 2023 siam sak tur a rel a ni. Kangmei veng tha khua pakhatna hnenah Rs 50000/- leh Certificate, pahnihna hnenah Rs 30000/- leh Certificate leh pathumna hnenah Rs 20000/- leh Certificate pek nise tih rel a ni bawk.

Pu PC Lalchhandama Member Secretary, DLCFP for Lunglei District leh DFO nibawk chuan report pe in nikum khan Forest Survey of India tarlan danin Lunglei District chhung ah ramkang hmun 227 awmin, hmun 272 chu lo hal vang leh hmun 5 chu ramkang vang a ni a, ramkang chungchang awareness campaign hrang hrang neih niin VC, NGOs leh Frontline Worker te pualin training leh Capacity Building Programme neih bakah High School naupang te pualin Essay Competition neih a ni bawk. Kum 2022 a kangmei vengtha khua Bualte, Thenhlum leh Chawilung te hnenah Village Level Fire Prevention Award 2022 hlan an nih a, Consolation prize Lungsen VC II, Haulawng leh Zohnuai te hnenah pek an ni bawk.