3289/2022-2023
Mamit 18th January, 2023 : Vawiin khan DC Conference Hall, Mamit-ah Women & Child Development, Mamit District buatsaihin National Girl Child Day, 2023 Hapta hawnna neih a ni.

He hun hmanpuitu Pu Lalnunhlua, Mamit District Bawrhsap chuan hmeichhe naupang humhalh leh chawikanna tur National Girl Child Day hman a ni chu lawmawm a tih thu a sawi a. Kan ram leh hnamin hma a sawn dawn chuan hmeichhiate dinhmun siamthat chu kan tihmakmawh a ni a. Hmeichhe naupang an nih vang maiin zirna lam a ni emaw Sports leh a dangte-ah thliar hranna nei lovin, theihtawpa tanlakpuitu ni theuh turin kalkhawmte a chah a ni.

Pi Flora Laltanpuii, District Programme Officer, Mamit chuan Beti Bachao Beti Padhao (BBBP) hnuaia an hmalakna hrang hrang leh Scheme kalphung sawifiahna hun a nei bawk.

He hunah hian Dr. Zothankhuma Chhakchhuak, CMO, Mamit kaihhruainain hmeichhe humhalhna thutiam lak a ni a. Signature Campaign neih zui nghal a ni bawk.

NGCD Hapta chhung hian Gram Sabha, BBBP Sticker tarchhuah, hmeichhe naupang Sports lama chawikan, Poster/Slogan writing/drawing inziahsiak, kumtling lo pasal nei tihtawpna tura BBBP chungchang hrilhhriatna Kohhran hruaitu leh khawtlang hruaitute hnena neih, Talk Show, NGCD puala thingphun bakah Hapta khar ni, January Ni 24 bikah hian damdawiin-a hmeichhe naupiangte Naupuan, Certificate leh ? 2000/- pek tura ruahmanna siam a ni.

He hun hi Pi Sapliannguri, Superintendent, DC Office Mamit chuan kaihruaiin Mamit khawpui chhunga naupang leh hmeichhe enkawlna home hrang hranga thawktute, tlawmngai pawl aiawh leh khawtlang hruaitute an tel a ni.