3442/2022-2023

Aizawl, 1st February 2023 : Vawiin khan District Level Committee on Fire Prevention chu Environment, Forest and Climate Change (EF&CC) Conference Hall Tuikhuahtlang Aizawl-ah Chairman Dr. Lalhriatzuali Ralte IAS, Aizawl Deputy Commissioner hovin Aizawl District chhunga ramkang ven dan tur an sawiho. Committee-ah hian a kaihhnawih department engemawzat leh tlawmngai pawl te an tel a ni.

Committee chuan State Level Sub-Committee on Fire Prevention 6-10 February, 2023 chhunga ‘Fire Prevention Week’ neih ni se tih a lo rel tawh angin, Aizawl District chu State Capital leh District Headquarters a nih avangin kumdanga a lo tih thin angin State Level Fire Prevention Week zawm ve mai ni se tih rel a ni.

Ramkang ven chungchanga Awareness Campaign nasa leh zuala neih dan tur te sawiho a niin, hemi chungchanga inelna hrang hrang te pawh neih ni se tih rel a ni bawk.