695/2022-2023
Lunglei the 30th, May 2022: Vawiin khan DC's Conference Hall, Lungleiah Pu Kulothungan A, IAS Deputy Commissioner, Lunglei kaihhruaina in District Level Committee on Green Mizoram for Lunglei District 2022 chu thutkhawmna neiin June ni 10th,2022 a Green Mizoram Day hmandan tur rel a ni.

Pu PC. Lalchhandama, DFO leh Member Secretary, District Level Committee on Green Mizoram for Lunglei District 2022 nibawk chuan June 11st hi Green Mizoram Day a ni a, sorkar chawlh anih avangin June ni 10th(Zirtawpni) ah sawn anih thu a sawi a, State Level Committee in a rel angin thingphunna hmun tur hi lui kam tui tihpunna hmun ni theise tih a ni a. Hemi anih avang hian District Level Committee chuan Nghasih dung ah a huhova thingphun tura rel a ni.

District Level Committee chuan Lungleiah Green Mizoram Day 2022 hmandan tur programme duangin , hawnna hun hi June ni 10th, 2022 dar 11 ah Lunglei ( Lunglei hming put chhan Nghasih) ah nei nise, chairman ah Lunglei Bawrhsap Pu Kulothungan A, IAS, khuallian atan HPC, Vice Chairman Pu Lawmawma Tochhawng nise, kum 2022 a kangmei vengtha khua leh essay writing competition ti tha te hnenah lawmman semna neih nise tih rel a ni. Thingphun tamber Sorkar Department leh NGO's te lawmman dawng tura thlanchhuah leh kangmei vengtha khua pathum bakah consolation prize khua pathum dawng tura thlanchuah nise tih a ni bawk.

Nikum Green Mizoram Day khan HATIM campus Kawmzawl ah thing tiak 878 phun niin 80% vel a nung a, thing tiak 11274 mi hrang hrang leh pawl hrang hrang ah sem a ni. Kum 1999 atanga 2021 chhungin Green Mizoram Day ah thingtiak 12650 phun niin 50% a nung a, thingtiak 560587 mi hrang hrang leh pawl hrang hrang te hnenah sem a ni bawk.