696/2022-2023
Aizawl the 30th May, 2022 : Vawiin khan Save Chite Lui Coordination Committee chu an Chairman Dr Renu Sharma, Mizoram Chief Secretary hovin Chief Secretary’s Conference Hall, MINECO ah member te an thukawm.

Meeting hi COVID-19 hripui len nasat avangin hun rei tak neih theih a ni lo a. Kum hnih chhung an thutkhawm theih tawh loh hnua thutkhawm leh hmasa ber vawiina neih hi Chairman tharin a kaihruai a. Agenda hrang hrang ngaihtuah niin June thla chhungin Comprehensive Action Plan ruahmanna siam tawh sa chu enthaa siam puitling tura rel a ni a, lo bawhzui turin Principal Chief Conservator of Forest ruat a ni. Chite Lui Act/Rules in a phut angin June thla chhung ngeiin Save Chite Lui Coordination Committee chu society a leh nise tiin an rel bawk.

Save Chite Lui atana sum hmuh tawhte leh an lo hman tawh dan thenkhat meeting ah hian sawilan a ni a. Sum hman bang awm mek chu a hman dan tur rawtna siam nise tih niin, hemi ngaihtuah tur hian Aizawl DC hova thukhawma sawiho nise tiin meeting chuan a rel a. Aizawl Central Presbytery te nen Chite Lui humhalhna atana thawhhona an lo siam tawh, hripui leng vanga bawhzui mumal tak loh chu chhunzawm leh dan kawng zawn ni se tiin an rel bawk a ni.