697/2022-2023
Lunglei the 30th, May'2022: Vawiin khan Convention Centre, Lungleiah Mizoram sawrkar flagship programme Socio-Economic Development Policy (SEDP) hnuaia mahnia eizawnna bultanna tur leh eizawng mek te hmasawnna tura tanpuina pek chhuah(Family Oriented SEDP) chungchanga SEDP Guideline leh Village level SEDP Committee mawhphurna te inhrilhfiahna neih a ni.He hunah hian SEDP kaihhnawih Department te bakah Lunglei BDO lei Lunglei Rural Development Block huam chhunga khua leh veng te bakah Hnahthial District a Lunglei North leh Lunglei East MLA bial hnuaia khua leh Sechhip District huamchhunga Lunglei North MLA bial chhunga khua te, Village level SEDP Committee atangin member pahnih theuh an tel a ni.

SEDP inhrilhfiahna inkhawm hi Pu V. Lalruatliana, Addl.DC, Lungleiin kaihhruaiin Pu M.Misael, Project Director, DRDA, leh Member Secretary, District SEDP Commiittee Lunglei nibawk chuan Mizoram Sawrkar flagship programme SEDP hi eizawnna bultan nan leh eizawnna kalpui mekten hma an sawn zel theih nana hman tur tanpuina pek a, Mizoram chhunga mimal leh chhungkua a tam thei ang ber dinhmun tha zawk a hlan kai tum anih thu sawiin Mizoram khua leh tui mi tupawh mahnia eizawnna kalpui mek emaw, hetiang lama bul tan tum emaw, leh kuthnathawka eizawng mekte leh bul tan tumte chauh a dil theih a ni. Family Oriented SEDP a nih angin tanpuina hi chhungkua ang a dawn tur a ni a, chhungkua pakhat atangin beneficiary pakhat chauh in a dawng thei ang a. State leh Central sawrkar hnuaia hnathawk nghet awmna chhungkua te chu a huam lovang a ti. SEDP dawngtute chu rinawmna leh taimakna nen tihlawhtling theuh turin a chah a ni.

Pi C. Lalduhzuali, Election Officer, Lunglei chuan SEDP dawngtu tur thlan dan leh diltute tih tur leh hriat tur sawiin SEDP thawhkhatna (first phase) atan MLA Constituency tin atangin chhungkaw 1500 zel huam tura ruahman a ni a, diltute chuan trade pahat chauh thlan tur niin tanpuina pawisa dawn hman dan tur leh pawisa dawnna tur Bank Account tarlan tur a ni bawk Village level SEDP Committee chuan SEDP dawng tura rawt te chu an ngaih pawimawh dan indawtin an rem tur a ni a, diltu zawng zawng ten thawhkhatna ah tanpuina an dawng vek theilo anih pawhin sawrkar in phase dang lo awm zel tura an tel theih nan ruahmanna siam a ni ang a ti. Family Oriented SEDP hnuaia trade thlan theite chu Agriculture, Horticulture, Animal Husbandary & Veterinary, Fisheries, Sericulture, Land Resource, Soil & Water Conservation, Commerce & Industries, UD&PA leh Tourism Department hnuai ami te an ni.