694/2022-2023 

Aizawl 30th May 2022: A thawh hnihna atan vawiin ni 30.05.2022 hian public authorities 11 (sawm pakhat) RTI Act Section 4(l)(b) zawm tha lo te Pu Lalnunmawia Chuaungo, Chief Information Commissioner leh Pu Zorammawia, Information Commissioner, Mizoram Information Commission te hmaah an inlan. Chungte chu Directorate of Economics & Statistics, FOCUS, Irrigation & Water Resources Department, Printing & Stationery, MIZOFED, SIPMIU, State Election Commission, PHE, LESD&E, D.C. Office Aizawl leh ZIDCO an ni.

 

"RTI Act, 2005 Section 4(l)(b) chuan Public Authority/sorkar department-te chu an hnathawhna chungchang mipuiin awlsam zawka an hriat theihna turin point 17 (sawmpasarih) tarlangin an office website-ah dah ngei tura tih an ni. Hemi bawhzui nan hian Mizoram Information Commission (MIC) chuan 19.01.2022 khan order tichhuakin sorkar office hrang hrang a Departmental Appellate Authority (DAA) leh State Public Information Officer (SPIO) te chu RTI Act, 2005 Section 4(l)(b) in a phut angin Suo Motu disclosure ti vek tur leh 28.02.2022 aia tlai lovah an hmalakna te Secretary, MIC hnena thehlut turin a hriattir a. Chief Secretary, Government of Mizoram pawh order copy pek niin sorkar department ten an zawm ngei em tih lo hriatpui tura ngen a ni bawk.

 

Head of Department leh SPIO te chu RTI Act Section 4(1 )(b) in a phut angin mipuiin zawh kher ngai lova an department hmalakna leh an hnathawh chungchang an website ah dahchhuak ngei tura hriattir an ni. Harsatna an neih pawhin inthlahrung lova Mizoram Information Commission be rawn turin an chah bawk. An website-ah an dah ngei em tih Mizoram Information Commission chuan a endik zui zel dawn tih hriattir an ni bawk a ni". Hetih lai hian an hmalakna te tha taka tarlang department engemaw zat an awm tih hriat a ni a, Mizoram Information Commission chuan an chungah lawmthu a sawi a ni. 

 

A thawh khatnaah khan an hmalakna rawn thehlut ve lo zinga department lian zual 10 (sawm)-a an Head of Department (HOD) leh SPIO theuh te MIC ah ni 06.04.2022 khan neihpui an lo ni tawh a ni.

Attachment

  • Loading attachment...