Mamit District chhung Bialtu MLA pathum tena Model Village atana an thlan chhuah Kanhmun, Reiek, Dapchhuah khua te tan Saansad Adarsh Gram Yojana (SAGY) sheme hmanga khawtlang hmasawnna kalpui dan hrang hrang thlir hovin vawiin khan DC Conference Hall, Mamitah Committee Chairman Pu John Rotluangliana, Minister Transport, etc, MLA, Mamit A/C ni bawk kaihhruaina in sawi ho a ni a, Pu Lalrinmawia Ralte Minister, Environtment & Forest etc, Hachhek Bialtu MLA a tel bawk.

Vawiin Meetingah hian Committee Chairman Pu John Rotluangliana Minister, Food & Civil Supply & Mamit Bialtu MLA chuan SAGY in a tum ber chu khawchhunga mi cheng mipui vantlang rilru a tha zawnga sukthlek tir a nih thu a sawiin Meetingah hian Model Village atana thlan khaw pathumte viltu Charge Officer theuh ten an hmalakna leh hmasawnna hna kalpuina atana tehfung naupang vaccine kim taka pek khawtlang faina kawnga hmalak, Bawlhlawh mumal taka paih, BPL chhungkua tihtlem, Inthiarna mumal tak intinin neih, Chhungkaw tinten Bank Account neih, Naupiang leh Mithi chhinchhiah leh Innnei tharte kim taka chhinchhiah hmang te a an hmalakna tarlan a ni a, tehfung hrang hrang hmanga hmalaknaah a hlawhtlinna hmuh chhoh mek zel niin hmalak chhunzawm zel a ni, Kanhmun 1-Hachhek bial chhunga Inthiarna mumal nei lo chhungkua 100 awmah chhungkaw 28 te chu Swach Bharat Mission hmanga inthiarna siamsak an nih tawh thu tarlan a ni bawk. Heng khaw pathuma hmasawnna hna thawhna kawnga harsatna awm te chu changtu Department te nena en ho ni se tih a ni.

Meetingah hian Sorkar Laipui scheme hrang hrang a hmala tute leh Model Village atana puan khaw pathum atangin VCP te an tel a ni.