Ni hnih awh tur "State Level Training on Improved Sugarcane Cultivation Technology Under RKVY" chu vawiin khan Extension Functioneries te tan Champhai DAO Training Hall-ah buatsaih a ni.

Fu chin dan leh enkawl dan chungchanga training buatsaih hi Pu RK Nithanga, DAO Champhai chuan a kaihruai a. Thu sawiin Mizoram pumpuiah Fu chin leh enkawl kawngah hmasawn kan ngai nasa hle a tih thu leh, kut hnathawktuten hlawk zawka an thlaite an thar chhuah theihna tura tanpui hi Extention Functionary-te tih tur a ni tih kan hriatreng a tul a ni a ti a. Kalkhawmte chu zirtirna pe chhawng leh tur an nih angin hlawk leh tangkai taka Training hmang turin a chah bawk.

Training-ah hian Pu Lalthanzuala, Deputy Director (Agro) leh Pu Ramnunsanga, Subject Matters Specialist(SMS) ten zirtirna an pe a. Pu Lalthanzuala Dy Director (Agro) chuan Circle Officer-te chu mahni bial chhung theuh tlawh chhuaka uluk taka vil zui tur leh data hrang hrangte uluk leh diktaka record thin turin a chah.

Tun dinhmunah hian Champhai District chhunga Fu chinna zawng zawng hian hectare 182 bial a zau a awh a. NLUP hnuaiah Fu chin thlang mi 53 awm mek bawk.