Vawiin chawhma dar 11:00 khan Aizawl district chhunga ramtuileilo leh piangphunga rualbanlo, Persons with disabilities (PwDs) ten electoral roll leh inthlan kaihhnawiha nasa zawka an inhnamhnawih theih dan tur ngaihtuahin Aizawl DC Conference Hall-ah District Level Consultation meeting neih a ni.

Meeting hi District Election Officer Dr. A. Muthamma, IAS DC, Aizawl-in a kaihruai a, PwD-te tan Election chungchanga an mamawh hmanraw chi hrang hrang Ramp, Wheel Chair, etc. ngaihtuah sak dan turte, vote nei thei kum tling electoral roll-a la inziak lut lote roll-a thun dan tur te, inthlan huna awlsam zawka vote an thlak dan tur te leh electoral roll leh election kaihhnawiha hirattur pawimawh awmte awlsam zawka an hriat dan turte ngaihtuah a ni. Mizoram-a Legislative Assembly Election lo awm turah PwD vote nei theite roll a thun vek an nih theih nan leh roll-a awmten awlsam zawka vote an thlak dan tur ngaihtuah ho a ni.

PwD-te electoral process a thuk zawka an inrawlh theih dan tura rawtna te hi State Level Consultation Committee hnenah thawn leh a ni ang a, State tinte rawtna chu National Level-ah thawn leh niin Strategic Plan ECI in rawtna hrang hrang behchhanin a siam dawn a ni.