Vawiin khan Chief Secretary's Conference room-ah Shyama Prasad Mukherji Rurban Mission(SPMRM) hmalakna chungchanga committee lian, State Level Empowerment Committee (SLEC) of SPMRM chu Chief Secretary Pu Arvind Ray ho in an thukhawm a. SLEC thutkhawmnaah hian East Lungdar leh Khawzawl Cluster tuamtu tur RURBAN Phase III Integrated Cluster Action Plan(ICAP) - hnathawhdan tur ruangam zirchian a ni a. Chak zawk a hmalakpui a nih theih nan leh Detailed Project Report(DPR) siama bawhzui a nih theih nan inrawnna neih a ni.
SPMRM hmalaknaah hian Rural Development Department(RD) chu State Nodal Agency(SNA) a ni a. RD in State Technical Support Agency(STSA) atan Catalyst Solution, Chaltlang a thlang leh a. Catalyst Solution hian SPMRM Phase III hnuaia - E.Lungdar leh Khawzawl Clusters atan a ICAP a buatsaih chu vawiin a SLEC meeting-ah hian zirchian a ni a. SPRM Phase III - E.Lungdar leh Khawzawl Clusters ICAP atan hian Department tam tak ten hnathawhna tur sum an inthawh tawm a ngaih avangin he meeting-ah hian convergence chungchangah pawh uluk taka inrawnna neih a ni.
RURBAN Phase III ICAP for Khawzawl Cluster hian khaw 13 a cheng chhungkaw 2233 a mihring 10,682 a tuam dawn a. He cluster hnuaiah hian ziak leh chhiar thiam za zela sawmkua pathum chuang hret an awm a chhut a ni a. Khawzawl Cluster hnuaia thingtlang khua te chu Arro, Chawngtlai, Chhawrtui, Hmuncheng, Kawlkulh, Khualen, Neihdawn, Ngaizawl, Puilo, Tualpui, Tualte, Tuipui leh Vankal te an ni. He cluster atan hian RURBAN Phase III hnuaia ICAP ang chuan Cheng Vaibelchhe Sawmnga hmangin Economic Thrust, Basic Amennities leh Social Amenities huangah te hmalak a ni dawn a ni.
East Lungdar Cluster atan pawh Cheng Vaibelchhe Sawmnga chiah sengin Economic Thrust, Basic Amennities leh Social Amenities huangah te hmalak a ni dawn a. He cluster hnuaia RURBAN Phase III hmalakna hian khaw 9 chhunga chhungkaw 2022 a mihring cheng 9998 a tuam thung ang a. He cluster mipui zinga za zela sawmkua Pasarih chuang te chu ziak leh chhiar thiam a tarlan a ni a. East Lungdar Cluster hnuaia khua te chu - Khawlailung, Chekawn, Sialsir, Lungchhuan, Mualcheng, Bawktlang, East Lungdar, Leng leh Sailulak te an ni.
