Vawiin ni 23rd April 2014 hian Pu K. Lalthawmmawia MCS, District Bawrhsap Mamit hovin a office chamber-ah Bru Tripura Transit Camp-a awmte lak let thawh 6-na buatsaih tur chungchangah District Level Core Committee te an thukhawm.

He thutkhawmna-ah hian District Bawrhsap chuan Tripura Transit Camp-a Bru awmte lo kirna 17th May 2014 atanga tan tur hi tun atanga ruahmanna felfai kan neih a tul a, hemi kawnga mawhphurhna chelhtu zawng zawngte pawh inthlahdah lova hma la nghal turin a chah a ni.

District Level Core Committee thukhawm chuan Bru lakletna ah hian an awmna hmun tur ruahman fel chu thil pawimawh hmasa a ni tih hria-in an awm duhna khua-ah awmna hmun tur ram a awm leh awm loh te a hmuna endik tu tur team 5 a siam a, Team tinte hi Officers te’n hovin an chan tur khuate siam fel nghal a ni bawk.

Hei bakah hian Verification Team ten hmalakna an kalpui hmain District Bawrhsap kaihhruaina-in District huam chhunga NGO hrang hrangte, Sub Hqrs YMA, Sub Hqrs MUP, Sub Hqrs MHIP, MZP Hqrs, Group YMA hrang hrang leh Political Party hrang hrang aiawhte nen Dt 29th April 2014 Dar 12:00 (noon) ah DC’s Conference Hall-ah Meeting neih ni se tih te rel a ni bawk.

Tun tum-ah hian Home Department atang pawisa awmsa Rs 7.87 crores hian chhungkua 669 la let thei tura ngaih a ni.

Vawiin Meeting-ah hian District Level Core Committee On Bru Repatriation te an tel tha hle a ni.