Vawiin D.C Conference Hall, Mamit- ah District Level Core Committee on Reang(Bru) Repatriation chu Pu Bhupesh Chaudhary, IAS District Bawrhsap kaihruaina-in thutkhawm a ni a. Home Department atangin Pi Lalbiaksangi, Joint Secretary leh Pu David H. Lalthangliana, OSD te chuan an telpui. 

Meeting-ah hian Central Sawrkar thu anga Ni 16 Aug, 2018 a Tripura Transit Camp paruka Mizo ram mi leh sa Reang (Bru) awmte laklet hna kalpuina tura ruahmanna hrang hrang siamte thlirho a ni. 

Laklet hna kalpui a nihna tura ruahmanna hrang hrang  thlirho zingah hian Temporary Shelter leh Staging Area atana duan, Mamit, Kawrtethawveng leh Zamuang te chu SDO(civil) te leh Village Level Repatriation Committee ten lo enfelin,  an ni hian a hmunhma thuah duhthlang tura tih an ni a, Repatriation neih a nih chhunga a paltlang tur kawngpuite chu tha taka motor tlan vek thei turin a enkawltu PWD leh BRTF te chu kawngpui siamthat ngaite lo siamtha tura tih an ni bawk. Heng bakah hian hruaikir hna thawhnana hman tur Lirthei ruahman chungchang thlirho a ni a, Lirthei mamawh zat a tam tham deuh a vangin Home Department te chuan Aizawl City Bus Owner Association(ACBOA) te lo be tura tih an ni. 

Free Ration pekna tura ruahmanna en ho a ni a, a khua ang zela ruahmanna siamthat ni se tih a ni a. Boruak muanawm tak hnuaia laklet hna kalpui a nih theihna tura venhimna kalpuina kawngah leh an hriselna dinhmun en tura hmala tur Medical Team ten ruahmanna leh an thil mamawh an thlen chu tun dinhmun atan pawmpui an ni. 

Meeting-ah hian District level Core Committee on Reang(Bru) Repatriation members te bakah Panhaj Kumar CO, 90 Bn BSF te an tel a ni.