Vawin khan Chhimveng YMA Hall Mamitah District Industries Centre Mamit leh NSIC (National Small Industries Corporation) bul tumin Special Awareness Programme on Schemes of NSSH (National SC - ST Hub), NSIC, MSME (Ministry of Micro Small Medium Enterprises) leh PMEGP (Prime Minister Employment Generation Programme) neih a ni a. Pu Paul Rokima, DIPRO, Mamit chuan he hun hi a hmanpui.

Pu Paul Rokima DIPRO chuan thu sawiin Mamit District chu Aspirational District thlanchhuahte zinga mi anih angin sawrkar kaltlangin hmasawnna tur schemes ruahmanna-ah duhsak bik kan ni a, heivang hian District mipuite chu tumruhna leh taihmakna nena remchang la a sawrkar tanpuina te chu hmang turin a chah a,  eng hna pawh thawk ila  hmathlirna leh suangtuahna nei ran chunga hna kan thawh a pawimawh a ni a ti. PMEGP hnuaia loan la kan nih chuan loan rul tha ber beneficiary nih kan tum tur a ni a, loan rulh hi kan mawhphurhna a ni tih hria-a hlenchhuak ngei tura kan project thlante, hlawhtlin nana bei thin turin mipui kalkhawmte a chah.

Mamit District chhunga PMEGP-2018-2019 hnuaiah agency pahnih KVIB leh DIC kaltlangin nuai 227 margine money atan ruahmanna siam a ni a, a dil duhte chuan Office hun chhungin DIC leh KVI Office-ah te dilna hi thehluh theih ani. Heibakah hian online hmangin www.kviconline.gov.in/pmegp ah thehluh theih a ni bawk.

Awareness Campaign hi hun hnih a then a ni a. Chawhma hun hi Pu Peter Thawngneihchina, Branch Manager, NSSH, Guwahati chuan kaihruaiin, Pu Lalbiakzuala, Aineh Sub Divisioanal Industries Officer chuan lawmthu sawina a nei. chawhnu hunah hian Schemes hrang hrang mipuite inhrilhhriatna neih niin zawhna leh chhanna hun hman a ni bawk.