Vawiin hian SSA, Tata Trust leh Mizoram Football Association te tangkawp in District Level Grassroot Football Training Centre te tana an buatsaih; Football Tournament chu Serchhip District ah a vawi khatna atan Leisekawt Khelmual ah an tan a, Pu V L Remliana, Addl. DC Serchhip chuan he Tournament hi a hawng.
Khuallian Pu V L.Remliana chuan, Grass Root Level atanga Football Trainig buatsaihtu SSA, MFA leh TATA Trust te chungah lawmthu sawiin, Grassroot level Trainees te chu duhsakna a hlana, Mizoram mai nilo, India ram aiawh turin theihna an nei a ni tiin a fuih. chutiang dinhmun thleng tur chuan ruihtheih thil laka fihlim tur te, insumtheihna leh inthununna tha neih a tul thu a hrilh a, an lehkha zirlai bahlah chuang lova tihtakzeta Training zel turin a chah a ni.
Tournament hawnna inkhawm tawi Leisekawt Khelmuala neih hi Pu R.Lalawmpuia, Deputy DPC chuan a kaihruai a, Pu Lawmawma, DEO Serchhip, Pu Zomuana Hnamte, President SDFA ten thu sawiin, Pu R.Sanghminga, District Level Committee member leh President Sub-Hqrs. YMA Serchhip ni bawk chuan lawmthu sawiin Tournament hawnna inkhawm hi a khar a ni.
Serchhip District Grassroot Football Tournament ah hian Serchhip khawchhunga Training Centre, Chhiahtlang, New Serchhip, Serchhip Hmar Veng, Chhingchhip, Khawlailung, N.Vanlaiphai leh Thenzawl Centre atangin Middle School leh Primary School Team hnih theuh an tel a, Centre tin ah hian hmeichhia 5 theuh an awm bawk, heng hmeichhia te hian Centre hrang hrang ami te nena infin in Tournament hi an khel ve dawn a ni.
