Vawiin khan Mamit District Development Co-Ordination & Monitoring Committee (DISHA) chu an chairman Pu C.L Ruala MP Lok Sabha hovin D.C Conference Hall, Mamitah ah an thukhawm.

Chairman Pu C.L Ruala chuan Member kalkhawmte chungah lawmthu a sawi a, a hun taka meeting neih a ni chu lawmawm a tih thu leh a bik takin NGO’s atanga member kalte chungah lawmthu a sawi.

Meeting-ah hian Central sorkar atanga hmalakna hrang hrang MGNREGS, PMAY (G), PMKSY, DDUGY, NSAP, SBM (G), NRDWP, 8. PMGSY, BADP, MDM, NHM, RMSA a hmalak tawhna leh hmalak zel dan tur thlir ho a ni. MGNREGS ah hian kum 2016-17 chhungin Rs 226.973 lakh in hlawhna siam tawh a ni a, IAY hnuaiah Mamit District chhunga Block pathum Zawlnuam ah In 21 sak zawh tawh niin W. Phaileng ah 13 leh Reiek ah In 12 sak zawh tawh a ni. ICDS Project hnuaiah tar leh hmeithai leh pianphunga rualban lo mi 2412 te tanpuina pek mek an ni, NRDWP hnuaiah District chhung khaw pathumah hmalakna tur duan fel a ni a, PMGSY hnuaiah Lengpui - Hmunpui panna kawng km 10.50 a thui sial turah Km 3.853 sial a nih tawh thu tarlan a ni bawk. NHM hnuaia hmalakna tarlan niin Nu nau chunga thi leh nausen thihna ti tlem tura hmalak a ni a, tun dinhmunah Nu nau chunga thi tlahniam tawhin nausen ah pawh a hlawhtlinnna hmuh mek zel a ni, IMR 2015-16 ah 27 chu 20 ah a thlahniam tawh a ni. ICTC hnuaiah ART centre Mamit bun a ni tawh bawk. BADP hnuaiah Zawlnuam leh W. Phaileng Block a hmalakna zawh tawh leh hmalak mekna te tarlana thlir ho a ni, heng bakah hian SSA, RMSA, Agriculture leh Department hrang hranga hmalakna te tarlan a ni bawk.

Heng bakah hian MzSRLM hnuaiah Mamit District chhungah hmalak chhoh mek zel a ni a, kum 2016-17 leh 2017-2018 chhung in Mamit District chhunga Block pathum te tuam chhuah tum a ni. Pu R. Lalzirliana RD Minister chuan Dt 30th May 2016 khan Mamit ah he programme hi a hawng a ni. tunah hian W. Phaileng leh Zawlnuam Blockah te hmalak chhoh mek a ni. hmalakna kal zelah W. Phaileng ah Self Health Group (SGH) 41 leh Rengdilah 17 din a ni tawh a, hengte hi Block staff te chuan an vil zui reng dawn a ni.

Meeting-ah hian Pu Lalrinmawia Ralte Minister Forest etc Hachhek bialtu MLA leh Pi Lalbiaksangi District Bawrhsap/ Member Secretary bakah Committee members te an tel tha hle.