Vawiin khan NLUP Conference Hall-ah inthlanni a ruahmanna siam dan tur leh inthlan buaipuitu polling personnel te kaihhruai dan tur zirna “Training on Polling Party and Poll Day Arrangements” buatsaih a ni a, Mizoram chhung District hrang hrang atangin District-level Master Trainer te an tel a ni.

Pu H.Lianzela, Jt. CEO chuan keynote address pe in Election Commission of India in inthlan a puan atang khan tupawh mai hi kan phe buai nghal char char a, tih tur tam tak a awm avangin hun neih pawh a harsa a, hetih kara hetiang Training hun buatsaih ani thei chu thil lawmawm tak ani a ti a, Training kan pek dan leh Training a kal ten an thil zir an chhawr tangkai leh tangkai loh hian inthlan buatsaih hlawhtlin kawngah thui takin a hril a ni a ti a. Polling Team uluk taka siam a pawimawh thu te, inthlan buatsaihna hmanrua ken tur te pawh check list mumal tak siama buaina tawk lo tura lo inhmakhawsuih a pawimawh thu te a sawi a ni.

Vawiin Training hi hun thumah then a ni a, a hmasa berah “Polling Personnel Management” thupuia hmangin Pu Vanlalrova, SLMT in zirtirna a pe a, hemi zawh hian Dr. Lalrokima Chenkual, Asst. Director. DM&R chuan “Poll Day Arrangements” thupuia hmangin zirtirna a pe veleh a. Chawhnu lamah Pu H.Lianzela, Jt. CEO hovin sawihona leh zawhna leh chhanna hun hman a ni.

Attachment

  • Loading attachment...