Executive Engineer PWD, National Highway III ten kawng siam hna an thawh dawn avangin NH-54 a lirthei lan dan tur ruahmanna a hnuaia tarlan ang hian siam a ni a, March Ni 15, 2019 atanga zawm tur a ni.

Rangvamual, Phunchawng, Edenthar vela kawngpui siam chhungin kawng block a nih dawn avangin Company peng (Hunthar) atanga Lungverh peng inkarah motor intlanchhawk a ngai dawn a ni.

1)Lungverh peng atanga Aizawl-via-Rangvamual chho zawng kal tlang theih hun zing dar 8:00- chhun dar 12:00.

2)Chhun dar 12:00-chawhnu dar 1:00 chhungin Bawngkawn lam emaw Sairang lam atangin emaw lirthei an tlan thei ang.

3)Chawhnu dar 1:00 atanga tlai dar 5:00 chhungin Company peng, Hunthar atanga Lungverh peng inkarah Company peng atang chauhin chhuk lam zawngin a tlan thlak theih ang.

4)Lungverh peng atanga Ramrikawn inkarah zing dar 8:00 atanga chhun dar 12 inkarah Ramrikawn lam atang chauhin Lungverh Peng panin lirthei an tlan thei ang. HMV erawh chuan National Highway-ah an tlan theih hun nghakin kawngpui zau laiah an ding ang a, Lungverh atanga Ramrikawn inkarah chhuk zawng emaw chho zawngin emaw an tlan ve thei lo ang.

5)Lungverh peng atanga Ramrikawn inkarah chawhnu dar 1:00 atanga tlai dar 5:00 inkarah Lungverh peng atangin Ramrikawn lam panin chho zawng chauhin lirthei an tlan thei ang.

Thupek hian chhiatrupna thil kangmei leh emergency kaihhnawih duty-te chetvelna a huam lo ang.