Vawiin khan Chief Electoral Officer Pu Ashish Kundra, IAS hovin a pisa ah kan hma lawk inthlanpui lo awm tur a voters, a bikin thalaiten vote an thlak tam theih nan a media kaltlanga hmalak dan tur rel a ni.

Pu Ashish Kundra chuan thalaite, a bik takin a vawikhatna atana vote thlak thei tur “first time voters” ten an chanvo anih ang ngei a ngaihtuahna fim tak nen a tam thei ang berin vote an thlak a pawimawh thu leh Election Commission of India pawhin a ngaihpawimawh thu a sawi a, an ni bakah hmeichhe voters te leh rualbanlote ngaipawimawh zual an nih thu a sawi bawk.

Vawiin thutkhawmah hian Media kaltlanga thalaite hnena vote thlak pawimawhzia zirtirna thehdarh dan tur kawng hrang hrang ngaihtuah a ni a, “Young Voters Forum” din a hemi kaltlanga campaign te, zirlaite pual intihsiakna chi hrang hrang siam te, slogan inziahsiak te, painting competition buatsaih te, internet leh social media hrang hrang kaltlanga hmalak dan tur te, thalaite hip thei tur programme hrang hrang buatsaih dan tur te sawiho a ni a. Hei bakah hian All India Radio, Doordarshan Kendra leh Cable TV kaltlanga ruahmanna siam dan tur te rel a ni.

He thutkhawmah hian Pu H. Lianzela, Jt. CEO, Pu V.L. Hruaizela Khiangte, Addl DC, Aizawl, Pu Malsawmzuala, Asst. CEO leh Pu Andrew H. Lalremruata, Media Nodal Officer te an tel a ni.