Mizoram KVI Board, Aizawl chuan vawiin  hian State Level PMEGP Workshop chu Agriculture Conference Hall, Aizawl-ah a buatsaih a. He hunah hian PMEGP Scheme hnuaia Loan dil mek te leh Loan latu te mi thahnem tak an kalkhawm a ni.

He Workshop a Khuallian Pu.V.Lalengmawia,MCS ,Vice Chairman, District Level Task Force Committee(DLTFC), Aizawl District chuan kalkhawmte chu an Industry Dinna turah tihtakzet a an tih a pawimawh zia te, PMEGP Scheme ah Margin money awm mahsela, Loan tam tak rulh tur an neih avangin Loan rulh ngaih pawimawh a tul zia te a sawi a ni.

Pu.Vanlalvuana, Dy.Secretary, Commerce & Industries Department leh Pu Ralte Ralkhuma, Lead Bank Manager te pawhin he programme-ah hian fuihna thu an sawi a. Chawhnu lamah District Industries Centre(DIC) leh Bank hrang hrang atanga lo kal ten thupui thlan bik hmangin kalkhawmte an zirtir a ni. Workshop hi Pu.Kaisangzuala, Chief Executive Officer, Mizoram KVI Board chuan lawmthu sawiin a khar a ni.