District  Level Monitoring Committee chu  an Chairman Pu Joseph Lalhimpuia MLA hovin DC\'s Conference Hall Lunglei ah nimin chawhnu dar 2:00 khan neih a ni.

DLMC meeting hmasa ber neih ah hian Pu Joseph Lalhimpuia chuan NLUP hlawhtlinna atan Monitoring Committee  chuan mawhphurhna lian tak a neih thu a sawi a, Committee member te pawh chu MLA constituency hrang hrang atangin mi pahnih zel thlan an ni a, kan constituency te NLUP hlawhtlinna an neih ah pawh mawhphurhna chin kan nei a ni tiin Committee member te thahnemngai turin a chah bawk. Member te chu mi sawi mai maia in nghat lovin a tak tak leh thil nihna dik tak enfiah thin turin a chah a ni. Huaisentak, taima tak leh dik taka hna thawk turin Monitoring Committee chu a chah a.  Lunglei District hi NLUP ti hlawhtlinna hmahruai tu nithei tura hna thawk turin member kal khawm te chu a chah a. Monitoring Committee meeting ah hian Committee hmalak zel dan tur sawiho a ni a, member te ngaih pawimawh zawng leh a kaihhnawih thil dang te pawh  sawiho na neih a ni bawk.