Vawiin chawhma dar 11:00  khan I&PRO Conference Hall Lunglei ah \'Training on Fish Culture\' ni 4 leh ni 5 August 2011 chhunga neih tur chu Pu Joseph Lalhimpuia Vice Chairman HPC in a hawng.  

Pu Joseph Lalhimpuia chuan he Training  hian rah duhawm tak a thlen a rin thu a sawi a. Sangha dil neia eizawn nan a hmangtute hi sorkarin a ngai pawimawh in a duhsak hle  a ni a ti. Sangha chi thalo Supply tih tawp tawh niin zawi zawiin keimahni  kan intodelh a tul a ni. Sangha hi dawng tur dik tak ten an dawng a ni tih leh dawn tur sangha chi dik tak an dawng a ni tih chhinchhiah a pawimawh hmasa a ni a ti. NLUP trade hnuai a sangha khawi thlangtute pawh tih tak tak na thinlung nena tan la tur in a chah a. Mizoram a dil sangha hi a tui a, a man pawh a to avangin tharchhuah lama thahnemngai turin  kalkhawm te chu a fuih a ni.Dik taka thawktu chu tanpui a hreh loh thu a sawi a NLUP 1st Instalment hmang diklo te chu 2nd Instalment pek an nih dawn loh thu a sawi bawk. Sangha hralh chhuahna ah buaina a awm loh nan Lunglei ah Cold storage din tura hmalak mek a nih thu a sawi.  Mizoram sum leh pai hi ramdang ah luan ral tir lo turin theihtawp a tan lak a ngaih thu a sawi a ni. Inkhawm hi Pu T.Lalawia  FEO kaihhruaiin   Pu.BD.Tyagi,DFDO chuan Introductory speech a nei bawk.