2439/2024-2025

Dated Hnahthial, the 9th October, 2024: Vawiin khan Hnahthial DC Meeting Hall-ah Hnahthial Bawrhsap, Pi Rita Lalnunmawii Pachuau kaihhruaiin 'District Level Nasha Mukt Bharat Abhiyaan Committee' thutkhawmna neih a ni.

Bawrhsap chuan Mizoram chu ruihhlovin a chiah hneh tawh hle thu sawiin hemi avang tak hian ruihhlo do chungchang pawh sawrkarin a ngai pawimawh hle a ni a ti a. Chuvang tak chuan he ruihhlo do beihpui thlakna hi state dang zawng aiin kan ngaih thutak a tul thu sawiin ram leh hnam ang zawngin tan lak a tul takzet a ni a ti a. He thutkhawmnaa kalkhawm zawng zawngte chu ruihhlo do kawngah theihtawp chhuah theuh turin a chah a ni.

Addl DC, Pu Zothanmawia Khiangte chuan thutkhawmnaah hian Nasha Mukt Bharat Abhiyaan Campaign chungchanga Hnahthial District Action Plan Committee in a lo rel tawh tarlanna hun neiin hmalak dan tur sawi hona hun hman nghal a ni a. Ruihhlo do kawnga school-a awareness kalpui dan tur te; YMA, college zirlaite leh chanchinbu mite ruihhlo do kawnga hma an lak dan tur te. Ruihhlo do chungchanga intihsiaknate leh hmalakna hrang hrang awm turte chu he hunah hian rel ho a ni.

Thutkhawmnaah hian Pu Manny Bhushan Singh, SP; Pi Esther Leihang, SDO Sadar; Pu Beimosia Lapi, Addl SP; Dr R. Lalsanglura, CMO; Pi LT Rose Mary Hnamte, CDPO; Pu C  Lalzarliana, Dy DPC, Samagra shiksha; Pu R. Vanlalruata, SDC; Pu Lalthanpuia, Field Falicitator; Pu Moses Lalchhuanawma, Hoi Philoi; Pu K. Lalsangluaia, Principal (rtd); Pu F. Lalsangzuala, RO (rtd) leh Pu F. Zosangliana, Hnahthial MJA President te chu an tel a ni.