4467/2025-2026

Lawngtlai, the 13th Febuary, 2026 : Nimin chawhnu dar 1:00 PM khan DC Conference Hall, Lawngtlaiah Pu Donny Lalruatsanga Bawrhsap leh Chairman, Lawngtlai District Level Nasha Mukt Bharat Abhiyan nibawk kaihhruaiin thutkhawm neih a ni.

Pu Donny Lalruatsanga chuan kalkhawmte hnen a lawmthu sawina a nei hmasa a. Nasha Mukt Bharat Abhiyan- chu Ruihhlo that loh zia inzirtirnna (awareness) campaign lam hawi niin Centrally Sponsor Scheme a ni a, sum pawh hi Ministry of Social Justice atanga sanction a nih thu a tarlang a. Cheng nuai sawm hmuh niin nuai sarih chu College, NGOs leh Kohhran kaltlanga hmalakna atan hman a nih tawh thu a sawi a. Sum la awm pawh tangkai zawka hman a nih tur thu a tarlang nghal a ni. 

Vawiin District Level Nasha Mukt Bharat Abhiyan thutkhawmah hian hmalak tawhna hrang hrangte thlir ho niin, hmalak zel dan tur hrang hrang rel nghal a ni a. June 26th June,2026 International Day against Drug Abuse ni ah hian Event lian tham deuh tleirawl leh thalai te tan buatsaih nise,, hemi hun ah hian awareness campaign neih nghal nise tih a ni a, LIKBKHP ten Ruihlo ngaite pual Camping neihna turah tanpuina pek nise tih a ni bawk. Ruihhlo that loh zia entirna Reel & Slogan competition buatsaih nise, BDO pathuma ten an sum dawn tur atangin Border Area (Drugs Corridor) hnaih khua-ah te awareness neih nise tih a rel a ni.

Bawrhsap Pu Donny Lalruatsanga chuan Lawngtlai District chunga Police Department, Excise Department, CYLA leh NGOs dangte thlawpna leh thawhpuina ah lawmthu a sawi a, theihtawpa tha thlah lo a tan la zel turin a ngen nghal bawk. Bawrhsap chuan kalkhawmte hnenah lawmthu sawiin meeting a khar a ni.