4468/2025-2026

Lawngtlai, 13th February 2026: Nimin khan Lawngtlai Bawrhsap Pu Donny Lalruatsanga chuan District Jail, Lairam Motherless Home ,Oasis Boys Home leh Lawngtlai Observation Home - te a hmunah kalin a tlawh.

Pu Donny Lalruatsanga chuan tangte chu nun inthlaka nun thara nung tura theihtawp chhuah turin a fuih a. Jail atanga an chhuah hunah khawtlang tana mi tangkai an ni thei tih inhriaa, mahni nun siam thar nan a hmang turin a sawm a ni. Jail tangte tana chhandamna camping neih thaa ahriat thu tarlangin ruahmanna siam a nih tur thu a sawi . Jail - in a mamawh em em 'Water Cooler' pek an nih tur thu a sawi a ni. 

Bawrhsap chuan Lairam Motherless Home - a thawktute chungah lawmthu sawiin, an rawngbawlna a fakawm hle a ni, a ti a. Nu leh Pa enkawltu nei lo te hmangaihna nen a an enkawl kawngah theihtawp chhuah zel turin a ngen a. Oasis Boys Home- a thawktute inpekna fakin, thahnem ngai taka thawk turin a chah a. Lawngtlai Observation Home- tlawhin Bawrhsap chuan naupangte hmakhua ngaia, an kal zelna turah kawng dik kawhhmuhtu ni zel turin a chah nghal a ni.

District Jail, Lairam Motherless Home , Oasis Boys Home leh Lawngtlai Observation Home- a thawktute chuan harsatna leh mamawh an neih te Bawrhsap hnenah hian an lo thlen a . Pu Donny Lalruatsanga chuan an mamawhna a hriatthiampui tih sawiin, hmalak kawngah theihtawp chhuah a tum thu a tarlang a ni. 

Bawrhsap hi Pi Mary Lalremruati,  DCPO, leh MJA - ten  an tawiawm a ni.