4469/2025-2026

Dated Aizawl, the 13 February 2026 : Nimin khan Pu Khilli Ram Meena, Mizoram Chief Secretary chuan Maharashtra Chief Secretary Pu Rajesh Aggarwal chu Mumbai-a a pisaah tlawhin, Navi Mumbai (Vashi) hmuna sak tur Mizoram House chungchang a sawipui.

Kum 2008 khan Mumbai a City and Industrial Development Corporation (CIDCO) chuan Vashi, Mumbai-ah hian ram, SQM 1983.48 zet chu Mizoram State Guest House cum Emporium atan hmun a lo ruahman tawh a. Nimahsela a sak hna hi, CIDCO leh Construction Agency te kara rokhawlhna eng eng emaw avangin eng emaw chen tihkhawtlai a ni ta a ni.

Vawiina an inkawmnaah hian Mizoram CS Pu Khilli ram Meena chuan Maharashtra CS hnenah hian sak tan hun chu kumin March ni 31 thlenga hrethiam hram tur leh sak hna khawtlai avanga chawi tur chu ngaihtuah thatsak turin a ngen a. Pu Rajesh Aggarwal chuan hemi thuah vek hian CIDCO hotute hi a be nghal a ni.

Pu Khilli Ram Meena chuan House sakna hmun tur hi tlawh nghalin, Pu H. Lalruatliana, Dy. Resident Commissioner, Mumbai Mizoram House-in a tawiawm a ni.