4466/2025-2026

Dated Hnahthial, the 13th February, 2026 : Nimin zing dar 7:30 khan Hnahthial District Rawpui-ah Jal Arpan Diwas hun hman a ni a, Rawpui khuain tui hnianghnar an neih theihna lawmna hun leh JJM Scheme hmalakna tui lakna PHED in an siam sak inhlan chhawnna hun hman a ni. He hun hi Hnahthial WATSAN Sub Divisional Officer (SDO) Er. Lalhmangaihzuala chuan a hmanpui a ni.

He hun hi Pu C. Lallawmzuala Sectional Officer Hnahthial Section chuan a kaihruai a, thu sawiin Er. Lalhmangaihzuala, SDO Hnahthial WATSAN Sub-Division, PHED chuan programme hman anih chhan a sawi a. Sorkar laipuiin India ram thingtlangah tui kan nei tha lo em em tih hria in, thingtlang mi tan in tinah tui herhhaw thei nise tiin Aug 15th 2009 khan JJM Scheme a din a, chumi kaltlang chuan he khuaah in tinah mipui ten kum 2009 atang khan tui connection an lo nei ta a. He scheme siam anih chhan chu mipuiten neitu thinlung an neih a, hlut nachang an hriat theih nan a tih in ruahmanna siam a nih thu leh vawiin hi official taka tui a rawn luhna ni tih a sawi bawk a ni.

Scheme hrang hrang siam a ni ṭhin a, sorkar thil chu sorkar ta tih a ni thin a, amaherawhchu JJM scheme-ah erawh chuan mipuite tana hamthatna leh hmasawnna a nih thu a sawi a. PHE department in tui an buaipui chu renchem taka hmang tur leh Pathian thil thlawn pek liau liau a ni tih hria a Tui hi pawisa anga ren thiam turin a chah bawk a ni.

Jal Arpan Diwas-ah hian Er. Lalhmangaihzuala, SDO Hnahthial WATSAN Sub Division chuan Rawpui WATSAN Committee hnenah a hlan a, Pi Hmingchungnungi FTK trained person FTK in hrilhfiahna leh a hman dan a sawifiah bakah hian Rawpui VCP Pu R. Kawlzidinga kaihhruaina hnuaiah thutiam sawirualna neih a ni.