Vawiin hian Lawngtlai District Level NLUP Committee chu DC Conference Hall ah an thukhawm a NLUP kalpui tawh chin a hma lak dan leh hma thar lak zel dan tur an sawiho.

He thutkhawmna kaihruaitu Lawngtlai Distrcit Bawrhsap Pu J. Hmingthanmawia chuan Lawngtlai District chhungah inthlanna vawi eng emaw zat neih chhoh a nih avanga hmasawnna leh thildanga hmalakna a khawmuan deuh thu tarlangin tunah chuan chutiang inthlan boruak chuan min kiansan tan ta a, NLUP leh hmasawnna dang thawh kawngah chak zawk a kal tumin theih tawp kan chhuah tawh dawn a ni a ti a. Department hrang hrang te pawh chutiang zawnga inbuatsaih turin a chah a ni.

NLUP Line Department hrang hrang te chuan an hma lak tawh dan leh an hmachawp la awm ang ang te an tarlang hlawm a, an hmalakna kalpui zel dan tur atana tha ni a an hriat te pawh sawi hovin, NLUP hnuaia tanpuina dawng tawh ten hma an lak dan pawh chipchiar zawka zirchian a, a tul anga in zirtirna leh in fuih tawnna te pawh neih nise an ti bawk.

Hei bakah hian NLUP 3rd & 4th Phase atana kalphung thar khaw pakhat tana trade pakhat zel kalpui dan turah pawh kimchang tak leh chipchiar taka a dawngtu tur khuate ennawn leh nise an ti bawk.

Vawiin a District Level NLUP meeting ah hian Lawngtlai District a Line Department te an tel kim a ni.