1850/2024-2025

Dated Kolasib The 30th August, 2024: District Education Office, Kolasib District leh SCERT hnuaia Science Promotional Wing te buatsaihin vawiin khan I&PR Conference Hall, Kolasib ah High School zirlai te pualin District Level Science Seminar, 2024 neih a ni.

District Level Science Seminar, 2024 hi SCERT bultum a neih niin, NCERT in india ram puma High School zirlaite intihsiakna atana thupui a thlan sa "Artificial Intelligence - Potentials and Concerns" tih hmangin school hrang hrang aiawh zirlai naupang ten presentation pe in intihsiakna neih a ni.

 Govt. Kolasib College a mithiam te endik na hnuaiah District Level Science Seminar ah hian Kolasib district-a High School pakua an tel a. Lawmman dawngtute chu:

1st : Grace MS Dawngzeli, Class X, St. John Higher Secondary School

2nd :  Dorothy Zoramchhani, Class IX, Govt. Diakkawn High School

3rd :  Esther Lalruatkimi, Class IX, C.M. High School

District Level Science Seminar, 2024 Kolasib district a lawmman pakhatna dawngtu hi State Level intihsiakna ah Kolasib district aiawh in a tel leh dawn a ni.

Vawiin hun hi Pu Vanlalchhana, District Education Officer, Kolasib chuan kaihhruaiin inlawmna hun a hmang a. Pi Lalnunziri, Deputy District Project Coordinator, Samagra Shiksha Kolasib chuan lawmthu sawiin hun a khar a ni.