Vawin khan Champhai DC Conference Hall-ah tun thla tawp a Village Council inthlan neih tur chungchangah District Level Standing Committee chu an Chairman Champhai DEO leh DC ni bawk Pu H. Lalengmawia hovin an thukhawm.

DEO chuan VC inthlan lo awm turah felfai taka kalpui a nih theih nan officer-te leh party hrang hrang hruaitu te bakah media lam leh tlawmngai pawlte tan la tlang turin a chah a. Inthlan leh a vuakvet hi in tih thinur zawng leh a intibuai zawng a hun hmang lo a, district titha ber ni thei tura hma la theuh turin a chah a.

DEO chuan party hruaitute chu an campaign-na chu dan hnuai ni turin leh, boruak muanawm tak awm sa chu chhunzawm zel a beisei thu a sawi a. Campaign chu April ni 28 tlai dar 5 pelh ah chuan phal a nih dawn loh thu a tarlang bawk a. Election chhungin thawktuten thlei bik leh duhsak bik nei lo turin a chah a. DC chuan dan lo ang a thil ti an awm a nih chuan in nghaihna thiamna a awm dawn loh thu a sawi bawk.

Kumin VC inthlan lo awm turah hian kum 2012 a inthlan aiin Champhai District-ah chuan khaw pathumin a pun belh a. Voter 79, 415 awm in, Voter tam na ber chu Ngopa Village Council niin, 2,704 an awm a. Voter tlemna ber New Hruaikawn ah chuan voter 84 an awm a ni. Selam leh Teikhang ah te chuhtu awm lovin Congress an tling tawh bawk.