Labour, Employment & Industrial Training Department leh Mizoram Youth Commission te tangkawpin an hmalakna kal mekah vawiin khan thalai mi 45 te chuan SBJ Centre of Excellence, Greater Noida, New Delhi-ah Beauty & Spa Therapy training turin ATI Conference Hall-ah thil pawimawh inhrilhhriatna hun an hmang.
Dr. JT Vanlalngheta, Secretary, Mizoram Youth Commission chuan he hun hi hmanpuiin, thalaite mahni in leh lo chhuahsana ramdanga awmte nungchang mawi leh entawntlak taka awm turin a fuih a. Sorkar-in he scheme hmanga a thlawna thalai tam tak ten Skill Development lama hlawkna an neih theihna a ni chu a lawmawm a tiin, a chhawr tangkaitu an ni thei chu lawmawm a tih thu a sawi tel bawk.
