Village Council inthlanna atan inpuahchahna kal mekah vawiin chawhnu khan Champhai DC Conference Hall-ah Election Observer Pu Dr. C. Vanlalramsanga hovin meeting neih a ni.

Election Observer chuan Champhai District-a Model Code of Conduct bawhchhia report hriat tur a awmlo chu lawmawm a tih thu a sawi a. Inthlanna a duty nei zawng zawngte chuan mahni hna theuhvah theihtawp chhuah tlang turin a chah a. Security chungchangah boruak thalo a thlen loh nan inthlahdah lo turin leh fimkhur turin a chah bawk a. Tun election-ah hmeichhia tan reservation siam a nih chungchangah party mite leh mipuiin an hriat chian zawk nan inzirtirna tha tak pek zel a beisei thu a sawi bawk.

He hunah hian Champhai DEO Pu H. Lalengmawia chuan inthlanna atana Election Branch inbuatsaihna leh training pek dan report a pe a. Champhai SP Pu John Laldina atangin venhim chungchanga hmalak tawhna te ngaihthlak a ni bawk.

Vawiin meeting-ah hian Election Officer, ERO leh officer dangte bakah political party leh tlawmngai pawl hruaitute an kalkhawm a ni.