1116/2026-2027 

Siaha the 22nd June 2026: District Level Standing Committee for Special Intensive Revision (SIR) of Electoral Roll- 2026 thutkhawm hmasa ber chu vawiin khan DC Conference Hall, Siaha-ah District Election Officer Pu VL Hruaizela Khiangte kaihhruaina hnuaiah neih a ni.

Pu VL Hruaizela Khiangte chuan EO, ERO leh AERO te, BLO te, political party te leh NGO te thawhhona avangin Enumeration form digitisation zawh fel a ni ta chu lawmawm a tih thu a sawi a, Mizoramah a zo hmasa pawl District an nih theih avangin mawhphurtute chungah lawmthu a sawi. DEO chuan Special Intensive Revision (SIR) chu kum 20 dana neih a ni a, roll siamthat runpui a nih angin paih ngaite paih a, belh ngai kim taka belh an nih theih nan fimkhur chhuah a, theihtawp chhuah a tul a ti. Draft roll chu July Ni 4, 2026 ah chhuah a ni dawn tih tarlangin hmaih palh an awm loh nan uluk taka endikin, siam that ngai awmte chu claims and objections hunah (July Ni 4, 2026 atanga August Ni 4, 2026) siam that a theih dawn a, final roll chu September Ni 6 ah chhuah a nih tur thu a sawi a ni.

Election Commission of India (ECI) chuan political party te a ngai pawimawh em em a, roll-ah thun tur dik tak thun a, paih ngai paih a nih theih nan leh roll dik, felfai leh thianghlim a awm theih nan theihtawp chhuahpui turin a sawm bawk.

Election Officer Pu Vabeimozachhi Chozah chuan technical report a pe a, 39-Saiha (ST) AC ah vote nei mi 24,980 an awm a, 40-Palak (ST) AC ah vote nei mi 21,092 awmin Siaha District pumah vote nei mi 46,072 an awm a ti. Enumeration form semchhuah, lak khawm leh digitisation chu June Ni 28 a zawh tur tih chu ERO, AERO leh BLO te thawhhona zarah June ni 18 khan zawh fel a ni a ti a, tha taka thawhpui tute chungah lawmthu a sawi bawk.

District Level Standing Committee for SIR ah hian District Election Officer chu Chairman a ni a, Election Officer chu Member Secretary a ni thung. 39- Saiha (ST) AC MLA, 40-Palak (ST) AC MLA, Superintendent of Police (SP), ERO, AERO, Executive Secretary MADC, District Education Officer, Sr EO MADC, DIPRO te bakah political party aiawhte, MJA President, MTP/ YMA/ YLA hruaitute member an ni.