Vawiin chawhma dar 11:00 khan DC Lunglei Office chamber ah 2012 VC election atan a din District Level Standing Committee member te an thu khawm a, meeting ah hian Lunglei DC leh District election officer nibawk Pu V. Sapchhunga, IAS chuan January 17 ah SEC leh sawrkar official te inhmukhawm in a rel te sawi hmasa in Lunglei Dist. ah VC inthlan thianghlim leh felfai taka kalpui a nih theih nan committee member te nen ruahmanna an siam a. Metting zawh ah hian DC chuan chanchinbu mite kawm nghalin election chungchanga hriattur pawimawh te a hrilh nghal a ni.

District Level Stangding Committee chuan District mipuite chu inthlanna felfai a awm theih nan thawhpui ah a sawm a, tlawmngai pawl zing a lian ber YMA hnenah puihna a dil nghal bawk a ni. Tun inthlan lo awm turah hian EPIC hman anih tur thu leh MLTP Act khauh taka kalpui a nih tur thu Committee thuchhuak chuan a tarlang a, Polling Booth leh Counting Hall ah meizu leh mobile phone hman SEC in a khap thu sawiin Election Camp pawh pakhat chiah party ten an in tawm tur thu a tarlang a, election 2012 ah hian a vawikhat na a tan SEC chuan Vote thlak tawh chhinchhiah nan Indelible Ink voters kut zung chalah hnawih turin thu chhuah a siam a ni. Committee chuan SEC thuchhuah angin Media, Party mi leh mi tupawh party fakna leh sawimawina rawngkai thil tarlang lo tur leh TV ah te ti chhuak lo turin hriattirna a siam nghal a ni. Report a a tarlan danin Lunglei District ah haian Village Council 138 a awm mek a ni.