Dt 1.1.2013 Qualifying Date a hmanga “Special Summary Revision of Electoral Rolls” chungchang ngaihtuah in vawiin chawhma dar 11 : 00 khan DC’s Conference Room Saiha-ah District Level Standing Committee member te an thu khawm.

He Meeting hi Pu B.Lalchhawntluanga, Election Officer, Saiha chuan a kaihruaia, Saiha khawpui chhunga Political Party hrang hrang aiawhte leh Tlawmngai pawl hrang hrang hruaitute meetingah hian an tel a ni.

Meeting a rel angin Draft Electoral Rolls hi Revision Schedule angin Dt 1.10.2012-ah publish a ni ang a, Draft publish anih atang hian Claims leh Objection a tih theih nghal dawn a ni. Dt 31.10.2012 thleng Claims and Objection hi a tih theih dawn a ni. Draft Electoral Rolls hi ERO,AERO leh BLO zawng zawng te hnen atangin a en theih ang a, Recognised Political Party leh Registrar Political Party te chu copy khat theuh a thlawn a pek an ni ang a, Soft Copy leh thlalak tel lo copy khat theuh pek an ni bawk dawn a ni. Dt 1.12.2012 atangin Hearing neih tan tur a ni a, hearing hun hmain ERO leh AERO ten mahni bial chhung theuhah hearing programme tihchhuah ani ang. Hearing hi Claims leh Objections hun tawp hma pawhin lo neih lawk theih a ni. ERO leh AERO ten hearing an neih laiin hearing neihna Polling Station huam chhunga NGO, Political Party leh VCP te an sawm ve ngei tur a ni. Mahni awmna hmun lova Vote nei zawng zawng ten an awmna hmunah transfer an dil ngei tur a ni a, an dil duh lova Electoral Rolls-a an hming a chuang lo anih chuan engmah an sawisel thei lovang. Form 6,8 leh 8A a dilna submit ten an passport size thlalak tharlam an dilna-ah an thiltel ngei tur a ni, an thil tel lo anih chuan an dilna chu hnawl a ni ang. Electoral Rolls Revision ah hian Dt 1.1.1994 hma lama piangte chauh Electoral Rolls ah thun belh theih a ni ang. Hming thun diltu kum 25 chunglamte chuan Form-6 a Part-IV hi an dahkhat ngei tur a ni. Diklo taka dilna thehlut tute chu R.P. Act, 1950(43 of 1950) anga hrem theih an ni. Booth Level Agent ten dilna a hlawmin 10 aia tam an submit thei ang. B.L.A. tih loh midang reng rengin dilna hi a hlawma thehluh phal a ni lova chhungkaw khat ami chuan an chhungkaw dilna te a hlawmin a thehlut thei bawk ang. Electoral Rolls a thun belh turte chuan an Particulars dik tak an Certificate nen a inmil an thehlut tur a ni.

Dt 1.10.2012 a publish tur Electoral Roll-a alan danin 39-Saiha (ST) Assembly Contituency ah Voters Mipa-8265 leh Hmeichhia-8826 avaiin Votters 17091 an awm a, 40-Palak (ST) Assembly Constituency an Voters Mipa-7548 leh Hmeichhia-7687 avaiin Voters 15235 an awm a ni.