Vawiin khan Kolasib District-a, District Level Standing Committee on Special Summary Revision of Electoral Rolls chu Committee, Chairman leh Kolasib DC ni bawk Pu Jitender Yadav hovin DC Conference Hall-ah an thukhawm.

Pu Jitender Yadav chuan Electoral Roll ennawna siamthat leh kum tling te Electoral Roll-a thun hi kumtin tih thin ang chi thil nimahse, roll a lo felfai leh zawk theih nan thil pawimawh tak a ni a ti a. Vote nei theite hming Electoral Roll-a dahluh tura lak a nih in an kum dik tak chiang taka lak a pawimawh rualin  an e-mail leh an phone number te pawh lak nise tiin hei hi Booth Level Officer (BLO) te hriattir nise a ti bawk a. Election chungchanga mawhphurhna neite hi India khua leh tui dik tak te Electoral Roll ah an chuang ngei theih nana a puitute kan nih angin dan phal chinah zel thil kan tia mite kan puia kawng kan kawhhmuh hi kan tih tur a ni, a ti.

Meeting hi Election Officer, Kolasib District Pu R. Lalnghakliana chuan kaihruaiin Special Summary Revision of Electoral Roll 2016 neih dan tur te leh Kolasib District huam chhunga Assembly Constituency 3 dinhmun leh chanchin kimchang a tarlang a. Political party aiawhte chu Booth Level Assistant (BLA) an la ruat lohna hmunah te ruat turin a chah bawk a ni.

Meeting ah hian Kolasib SP Pu C. Lalzahngoa, Addl DC Pu R. Lalremsanga, MUP, YMA leh MHIP aiawhte, political party aiawhte leh MJA Kolasib District hruaitute an tel bawk a ni.

Electoral Roll, 2016 siamthat (Special Summary Revision) dan tur hunbi thliah dan chu hetiang hi a ni: