Mamit District-ah zirna tha leh chhenfakawm kalpui anih theih dan tur vawiin khan BRC Hall Mamit-ah Mamit District Education Chairman Pi Lalbiaksangi hovin inrawnkhawmna leh sawihona "District Level Consultation Meeting" neih a ni.

Pi Lalbiaksangi, District Education Chairman leh Deputy Commissioner ni bawk chuan sorkar laipuiin zirna tha leh changtlung a ngaih pawimawh zia sawiin, New Education Policy hnuaiah kan khua theuhah zirna tha a awm theih nan inrawnkhawmna 'consultation meeting' neih thin tura duan a nih thu a sawi a. Mamit district ah puitling ziak leh chhiar thiamlo an la tam thu sawiin, khawtlang mipuite leh zirna ina hnathawk te tanrual a tul thu a sawi. District thuneitute, zirna lama thawktute, zirtirtute, khawtlang hruaitute leh khawtlang mipuite bakah chhungkawtin leh mimal tinten Zirna lamah tun aia tan kan lak a ngai a ni a.