DDK Aizawl leh School Education Department te chuan July 17,2015 a thawhhona thuthlung an lo ziak tawh angin. Educational TV Programme chu DDK Aizawl ah chawlhkar tin Ningani tlai dar 6:00 - 6:30 pm ah puanchhuah a ni tawh dawn a ni.

Pu H. Rohluna, Minister School Education in he programme hi a hawng dawn a. Parliamentary Secretary Pu Joseph Lalhimpuia’n thu a sawi zawh ah Programme kalpui dan tur sawi ho a ni dawn, School Education, SCERT Director-te leh MBSE chairman ten hun an hmang dawn a ni. He Programme ah hian School Education Department, SCERT leh MBSE hnathawh leh hmalak dan te, zirlaite leh Zirtirtute tana pawimawh tak tak te puanchhuah thin a ni dawn a. Ni 27th August, 2015 (Ningani) tlai dar 6:00 ah Kick Off Programme neih a ni ang.Programme Advisory Committee chuan he Programme hi lo thlir thin turin Zirlai, Zirtirtute leh mipui te an sawm a ni.