Vawiin chawhma dar 11 : 00 Am khan I&PR Conference Hall, Siaha-ah Rastrya Kishore Swasthya Karyakram (RKSK) huaihawt in ni 6 chhung awh tur “District Level Training of Auxiliary Nurse Midwife under Peer Education” chu neih tan a ni.

He Training Programme hi Dr C.Hnichho, Medical Officer, Siaha District chuan a kaihruai a, training programme sawihawnna thu a sawi hnuah Dr H.T. Phosa, Chief Medical Officer chuan thu sawiin kan District chhungah Nausen pianghlim boralna (Infant Morality Rate) tihniam lehzual thei tura tan la leh zual turin Health Worker te chu a chah a. Infant Morality Rate (IMR) ah Mizoram-ah a hniam ber nih kan tum tur a ni, ati bawk. keimahni hi a tunlai thei ang berin kan hnathawhna-ah nun tum ila kan hna pawh thiam i tum ang u tiin, mipui ten min rin theihna tur chuan kan hna-ah kan rinawm a ngai a ni, ati bawk.

Dr Robert pawhin he training-naah hian thu sawiin Mental Health chungchangah hian tan kan lak a ngai a, rilru a hrisel loh chuan taksa hriselna pawh kan ngai pawimawh tawk theilo a ni, a ti bawk. He Training programme ah hian Doctor Dr C.Hnichho, Dr H.K. Lalruatfela, Dr Lalrawngbawla, Dr Zodinthara leh Dr Joseph Dena ten thupui thlan chhuah hrang hrang hmangin Training hi an pe a ni. Training programme nikhat ni-ah hian Siaha District chhunga Health Worker 30 an tel a ni.