Kum tinah tih thin angin kumin pawh hian Nehru Yuva Kendra hnuaia in affiliate Youth Club (Firm & Societies-a in register ni bawk) te tan Outstanding Youth Club Award 2015-16, District leh State Level atan siam a ni dawn a. He Award hi District tin tan siam niin a dilna form leh hemi chungchang hrechiang duh chuan District tin a Nehru Yuva Kendra Office-ah ngaihven theih a ni a, dilna hi September ni 15, 2015 aia tlai lova thehluh tur a ni.
District Level Outstanding Youth Club Award lawmman hian pawisa fai Rs 25,000 leh citation a keng tel dawn a. District Level-a lawmman late atangin State Level Outstanding Youth Club Award chu thlan a ni ang a, he lawmman hian pawisa fai Rs. 1,00,000 leh citation a keng tel ang. Kum hnih kalta he Award dawng tawh te chuan an dil thei lovang.
Hre chiang duh tan District Youth Coordinator, NYK, Aizawl, Sanghnuna Building Bazar Bungkawn Phone no. 0389-2322430/9862842747 ah zawhfaih thei a ni.
District Level Award hi Deputy Commissioner leh State Level Award hi Secretary, Sports & Youth Services Department, Government of Mizoram, Chairman-na hnuaiah a thlanna hi neih a ni ang.
