3112/2024-2025

Dated Hnahthial, the 20th November, 2024: Vawiin chawhnu dar 1:00 khan DC Meeting Hall Hnahthialah Hnahthial District Bawrhsap Pi Rita Lalnunmawii Pachuau kaihhruaiin Nehru Yuva Kendra Sangathan (NYKS) bul tuma Hnahthial District tana Yuva Utsav (Youth Festival) buatsaih dan tur chungchang rel in meeting neih a ni.

Meeting kaihruaitu District Bawrhsap Pi Rita Lalnunmawii Pachuau chuan thalaite theihna hai chhuak a, an inpho chhuah theihna tur kawng ngaihtuah tur anih avangin he meeting hi a pawimawh hle thu a sawi a. District Level Yuva Utsav (District Youth Festival) hlawk taka hman anih theih nan theih tawp chhuahpuiah meeting a kal member te chu a sawm nghal bawk a ni.

Pi Mercy Sellate, State Director, NYKS chuan District Level Yuva Utsav (Hnahthial District Youth Festival) hi December ni 6 hian Govt Southern High School ah neih tura ruahman niin khuallian atan Bialtu MLA Pu Jeje Lalpekhlua beisei a nih thu a sawi a. Budget atan cheng nuai khat leh sing sarih (Rs. 1,70,000) dah a nih thu sawiin Yuva Utsav (Youth Festival) ah hian Science Mela (Competitive Event Individual), Science Mela (Competitive Event Group) Young Writer's Contest; Young Artist's Contest; Photography Contest & Workshop; Declamation Contest leh District Cultural Festival (Group Events) bakah Exhibition Stall te siam a ni dawn a ni.