No.921/2021-2022 

Aizawl 11th June 2021: Tunlai hian Aizawl District huam chhung Sateek leh Maubuang khua-ah te vawk natna hri hlauhawm tak African Swine Fever (ASF) a leng mek tih hriat a ni a. District AH & Veterinary Officer, Aizawl pawhin 8^th June, 2021 khan Sateek leh Maubuang hi hri lenna hmun, Infected Area ah a puang a ni. He hri hi he khaw pahnih bakah a chhehvel leh District pumpui ah pawh leng thei reng dinhmunah a ding meka hriat a ni a.

Chuvangin, Dr. Lalhriatzuali Ralte, IAS, District Magistrate, Aizawl District, Aizawl chuan Section 144 of CrPC 1973 tlawh chhanin a hnuaia mi ang hian Thupek a chhuah;

1) Infected Area-a puan Sateek leh Maubuang huamchhung ami vawk te chu hralh emaw, talh emaw, phurhchhuah leh lakluh khap tlat a ni.

2) Vawk thi reng reng paih mai lovin thuk taka phum ngei ngei tur a ni.

3) Vawk damlo reng reng hralh emaw talh khap tlat a ni.

Thu leh awm hma chu he Thupek hian puan anih atanga thla 2 (hnih) chhung a huam ang a. He Thupek zawm lo te chu Section 188 of IPC hmanga hrem theih an ni ang tih mipuite a hriattir a