No.7457/2020-2021
Khua thal chho zelah kangmei chhuah duh hun lai a intan chhoa, huan lo ramte hal a lo hun leh dawn tak avangin Champhai District chhunga mipuite leh ram ngaw, thing leh mau, nungchate an him theihna turin Pi Maria C.T. Zuali, District Magistrate, Champhai District chuan Sec. 144 CrPC, 1973 (Act II of 1973) in thuneihna a pek angin kangmei laka mitinte him nan a hnuaia khapna thupek hi a chhuah:
1. Meilam tha tawk tak sial lovin mi tumahin huan/lo/leipui an hal tur a ni lo.
2. Champhai District chhunga huan/lo/leipui hal tur ten March ni 15, 2021 ral hma ngeiin an hal vek tur a ni.
3. Mihring nunna leh bungrua tana hlauhawm thei turin tumahin kangmei an ti
chhuak tur ani lo.
4. Ran chaw chhumna, electric thuk, meihawl thuk, khawnvartui thuk leh gas-te
kangmei ti chhuak thei zawngin an hmang tur a ni lo.
5. Mi tumahin ram hnuaiah mei chhemin timit lovin an kalsan tur ani lo.
He thupek zawm lo tu chu IPC Sec. 188 hmangin hrem an ni ang. He thupek hian chhuah a nih ațanga thla hnih (2) chhung a huam ang.
He thupek hi February Ni 4, 2021 khan District Magistrate, Champhai District chuan Court Seal-a nemin hming a ziak hnan a ni.
