No.4095/2020-2021

Dated Serchhip, the 14th August, 2020: Pu Kumar Abhishek, IAS, District Magistrate chuan Ram pawn atanga Vawk lak luh leh thawn chhuah chungchangah mipuite tan thupek ahnuai a mi ang hian a ti chhuak.

District A.H & Vety Officer, AH& Vety Department, Serchhip District hnen atanga lehkha kan hmun angin tunlai hian thenawm ram leh State ah te Vawk hri, African Swine Fever (ASF) a leng mek a. Hemi hrileng avanga Serchhip District mipuite tan buaina/harsatna a thlen loh nan, District Magistrate Serchhip in Section 144 Cr. PC hmanga khapna thupek chhuah hi thil tul tak, tih loh theih lohah ka ngai a ni.

Chuvangin, Kei, KUMAR ABHISHEK, IAS, DISTRICT MAGISTRATE, Serchhip District hian Section 144 Cr.PC 1973 in thuneihna min pek angin a hnuaia thupekte hi ka chhuah e.

1. Thenawm ram (neighbouring State/Country) leh District dang atanga vawk, vawksa leh vawksa atanga eitur siam reng reng lakluh leh thawnchhuah khap tlat a ni.
2. Vawk thi reng reng paih mai lovin thuk takah phum thin tur a ni.
3. Vawk talh tur te’n vawk hrisel tha chauh an talh thin tur a ni.
4. Vawk neitute’n vawk damlo an hralh tur a ni lo.

He thupek hian thu leh awm hma chu puan a nih atanga thla hnih (2 months) chhung a huam ang,

He thupek zawm lo chu Section 188 IPC dan hmanga hrem theih an ni ang.

He thupek hian Sorkar atanga phalna neite a huam lovang.

He thupek hi Vawiin Dt. 12th August, 2020 hian District Magistrate Seal chhu a nemnghetin ka hming ka ziah hnan e.