No.2102/2021-2022

Aizawl, the 3rd September, 2021: Mizoram Sawrkar Disaster Management and Rehabilitation Department order No.B.13021/101/2020-DMR/Vol-VI dated 20.08.2021 bawhzuina atan leh, Khawzawl District mipuite Covid-19 hrileng darh zel tur laka an him theihna turin Pu C.C Lalchhuangkima, District Magistrate, Khawzawl District chuan Section 144 CrPC, 1973 (2 of 1974) in thuneihna a pek angin Khawzawl District Headquarters chhungah zan dar 7:00 atanga zing dar 4:00 inkar CURFEW a puang.

Curfew hun chhung hian a hnuaia tarlante chauh lo chu pawn chhuah phal a ni lo:

1) Dan leh thupek kengkawhtu Magistrate-te leh Police-te
2) Covid-19 kaihhnawiha duty-te
3) Medical Emergency duty-te
4) Media/Chanchinbumi
5) Phai atanga bungraw phur motor in unload
6) Essential Services duty-te
7) District Magistrate leh a aiawhten phalna an pekte.

Thupek zawm lo chu IPC Section 188 hmanga hrem an ni ang. He thupek hian chhuah a nih vawiin September Ni 2, 2021 atanga thu leh awm hma emaw, thla hnih (2) chhung emaw, a rei lo zawk zawk a huam ang.